بحر النواعم

أهلا وسهلا بالنواعم ويسعدنا انضمامكم لمنتدانا والغوص في بحر النواعم
بحر النواعم

منتدى للنواعم يطرح مواضيع اجتماعيه وثقافيه وترفيهيه وعلميه وادبيه


    ساعتان من وقتك ...وتصبحين كالعروس

    شاطر
    avatar
    أميرة القلوب
    Admin

    المساهمات : 25
    تاريخ التسجيل : 03/10/2010
    العمر : 55

    ساعتان من وقتك ...وتصبحين كالعروس

    مُساهمة من طرف أميرة القلوب في الخميس أكتوبر 14, 2010 12:18 am



    --------------------------------------------------------------------------------

    الموضوع النهارده حاجه جامده جدا
    خاصة للموظفات واللي مش فاضيين يهتموا بنفسهم
    لان مرة كل اسبوعين او اسبوع تغنيكي عن اي حاجه تانيه



    المده : ساعتين او ساعتين ونص



    التكرار: كل اسبوع او اتنين



    الغرض : تبقي احلى عروسة









    نيجي للمهم




    الادوات اللي هتاخديها معاكي الحمام:




    1- فوطه او بشكير وبرنص



    2-اعشاب



    3-خل تفاح



    4-وساده بلاستيك منفوخه ( غير ضروريه)



    5-شراب فيليه فيه رده وكاموميل



    6-بنس للشعر



    7-بونيه بلاستيك للشعر



    8-عسل ابيض نوع جيد



    9-زيت زيتون وملح



    10-ليفه وصابونة



    11-كريم مرطب او كارباميد كريم



    12-ادوات المانيكير



    13-ادوات ازاله الشعر :سيلكابيل سويت ماكينة حلاقه و فتله وملقاط اللي يريحك



    14-نشا+ماءورد+نصف ليمونه كميه للجسم كله



    15-فيوسيدين كريم او كيناكومب كريم



    16-جونسون بيبي اويل



    17-وطبعا هدوم نضيفه هتلبسيها في الاخر



    18-مشط وكريم شعر وادوات التسريح



    19-معجون اسنان وفرشاة اسنان



    20-مش عارفه عايزة اقفلهم عشرين خدي اي حاجه تكوني محتاجاها وخلاص اه افتكرت ماسك سنفرة للوجه او سكر بس حتى





    طريقة الشاور الرائعة

    1-سدي البانيو وحطي فيه مغلي الاعشاب : اي اعشاب؟؟




    لا طبعا




    للبشرة الدهنيه: القصعين او الخزامى او اللافندر يقبض المسام



    للبشره الجافه : الكاموميل تنعيم وتفتيح المسام وازالة الرؤوس السودا



    لازالة رائحة العرق: اكليل الجبل



    يعني الغالب هيستعمل اكليل الجبل مع الكاموميل
    وممكن النعناع وممكن زيت عطري




    2- قفلي الشبابيك وافتحي الميه السخنة بس وحطي تحت الحنفيه او الدش الاتي
    شراب فيليه حطي فيه كاموميل مع رده واقفليه كويس واقفلي باب الحمام وانتي جوه ومعاكي كل حاجتك وهو بيتملي حطي حمام زيت اي نوع تحبيه على شعرك مع التدليك
    ولفيه لفوق كحكه وحطي بونيه بلاستيك وحطي عل وشك ورقبتك وشفايفك وحول العين عسل من نوع جيد قبل البانيو ما يتملي للمقدار اللي انتي عايزاه ظبطي درجة حرارة الميه وحطي نص كوب خل تفاح او لو مفيش مش ضروري




    3- اقعدي في البانيو ربع او نص ساعه بالكتير ويا سلام لو حاطه وساده منفوخه او اي حاجه بتتنفخ ومريحه عوامه ضغيرة مثلا وانسي الدنيا تماما استرخاااااااااااااء تاااااااااااام




    4- استحمي عادي من غير ما تغسلي شعرك وانتي بتفضي البانيو واعملي سنفرة بزيت الزيتون والملح من تحت لفوق بحركات دائريه يعني من القدم وانتي طالعه ولما تخلصي هاتي الشراب الفيليه وخدي منه الرده والكاموميل وادعكي بيهم جسمك بالراحه من تحت لفوق بردو واشطفي جسمك كويس اوي واستحمي تاني




    5- اخرجي من البانيو ولو عايزة تعملي اي حمام زيت او كريم لشعرك اعملي و اعملي سنفرة لوشك باي حاجه تحبيها سكر او ماسك سنفره واعملي باديكير سريع للقدم وحطي كارباميد كريم عليها او اي كريم مرطب عندكم صدقوني لما هتعملوا كده مش هتحتاجوا كوافير ابدا وكله هيبقى تماااااااااام




    6- نبدا في ازالة الشعر السيلكابيل ميزتها اتها سريعه جدا وبتشيل كل الشعر وكمان هتبقى بعد الشاور والسنفرة يعتي هتبقي فله
    ممكن تعملي بيها كل جسمك وطبعا اللي بتحب السويت بردو تماااام




    7- بعد ما تخلصي ازالة الشعر حطي ماسك نشا وماء ورد وليمون على كل جسمك




    8- وانتي حاطه الماسك ده على جسمك اعملي وشك انا بعمله بالسيلكابيل وفوق الفم بالفتله وحطي كريم فيوسيدين او كيناكومب بس كيناكومب فيه كورتيزون ممنوع للحامل والمرضع




    9- خلاااااااااص خدي شاور اخير واغسلي شعرك من حمام الكريم وحطي بيبي اويل جونسون باي ريحه تحبيها على كل جسمك




    وهتبقي احلى عروسة في ساعتين بس اوعوا تفتكروا هتاخدو وقت لا احنااستغلينا الوقت وعملتي كل حاجه تتمنيها ولو فعلا عملتي كده كل اسبوع كل مشاكلك هتتحل باذن الله





    واخيرا وليس اخرا اغسلي اسنانك بالفرشاه والمعجون
    اوعو تنسوا


    هقولكم فوائد حمام الاعشاب



    ـ تليين وتجميل أنسجة الجلد.



    ـ تنشيط الدورة الدموية.



    ـ زيادة حيوية الجسم.



    ـ تلطيف الجسم، وإزالة توتر العضلات، وتسكين الآلام.



    ـ تقوية عظام الجسم.



    ـ تليين المفاصل وتخفيف الآلام الروماتيزمية.



    ـ تخفيض حرارة الجسم المرتفعة.



    ـ تهدئة الأعصاب.



    ـ تعمل كمطهر للجسم.



    ـ تنظيف الجلد وإزالة الرواسب عنه.



    ـ مساعدة الشفاء من الأمراض.



    ـ تقوية الجسم عامة



    منقوووووووووووووووول للأمانه

      الوقت/التاريخ الآن هو الخميس سبتمبر 21, 2017 8:10 pm